Patay ang truck driver nga si Antonio Gallo matapos siya nga gin luthang sa sulod sang iya nga balay sa Barangay Rizal sa siudad sang Sagay sang Miyerkules.
Sandig sa imbestigasyon sang PNP, naga lantaw lang sang TV ang biktima upod sang iya apo sang mag abot ang duha ka persona sakay sa motorsiklo kag gilayon nila nga gin tiro si Gallo sa ulo.
Patay ang biktima sa pag paniro samtang wala naman masamaran ang iya sini nga apo.
Gilayon man nag palagyo ang mga suspek matapos sang pag paniro.
Ginahibalo pa karon sang PNP kun ano ang motibo sang mga suspetsado sa pag patay kay Gallo.