Pilason ang 32 anyos nga si Rody Sta. Ana matapos nga gin labo sang iya kontra sa hampang nga basketball sang Miyerkules sa Barangay Cabadiangan sa Sipalay City.
Suno kay Police Major James Latayon, hepe sang Sipalay PNP, nag sikuhay ang biktima kag ang suspek nga si Ronel Macubay samtang naga hampang sang basketball kag didto na nag sugod nga nag initanay ang duha.
Pag gwa ni Sta. Ana sa basketballan , suno sa pulis gilayon na lang siya nga gin labo sang suspek kag siya ang naigu sa iya butkon kag likod.
Nagpalagyo pa ang suspek pero siya ang naaresto sa pursuit operation.
Ginpasaka na kahapon ang kaso nga physical injury kag attempted homicide batuk sa iya.
Ginabulong naman sa ospital karon ang biktima.