Nagpasalig si Bacolod City Mayor Greg Gasataya sa publiko nga mas mangin madasig na ang pagresponde sa mga emerhensya sa siudad bangud operational na sa karun ang localized 911.
Sa idalum sang sini nga inisyatibo, mangin mas madasig na ang pag responde sang kapulisan kag rescuers sa mga insidente bangud ang tawag sang isa ka residente, ang maga diretso na sa command center sang Bacolod City kag indi na maglab-ot pa sa nasyonal.
Ginsiling ni Gasataya nga isa sa pagpanghangkat sa emergency response amo ang language barrier, rason nga may trained personnel na mismo ang siudad para magsabat sa amo nga mga tawag.
Sa Command Center sa Barangay Taculing nahamtang ang headquarters sang localized 911.
Naghatag man sang mga gamit ang Department of the Interior and Local Government sa siudad sa pagpatuman sang amo nga inisyatibo.
Ang Bacolod ang nangin pinakauna nga siudad sa Negros Island Region nga may localized 911.
Natalana nga pormal ini nga ilunsar sini nga semana.
[sibwp_form id=1]