Sa Lunes maga sugod na ang tatlo ka adlaw nga Local Absentee Voting.
Sang nagligad nga semana naman nagsugod na ang internet voting para sa mga Overseas Filipino Workers.
Gani suno kay Provincial Elections Supervisor Ian Lee Ananoria ang Eleksyo ang opisyal na nga nagsugod.
Para sa Local Absentee Voting nga magalawig tubtob sa Miyerkules, may 1,880 ka botante ang nag pa rehistro diri.
Ini sila mga katapo sang PNP kag Army ukon mga uniformed personnel nga gina paabot nga maga serbe sa adlaw mismo sang piniliay.
Sa pihak nga bahin, kumpleto na ang 2,048 ka mga automated counting machines sa hub sa Bacolod. Nalakip na diri suno kay Ananoria ang 351 ka ACM nga maga serbe contingency enkaso nga may mag bog down.
Sa Abril 28 kag 29 ini iga deploy sa mga Election Officer sa tagsa ka banwa kag siudad.
Gina paabot naman ang pag patuman sang final testing and sealing sang mga ACM sa Marso 7. Samtang ang mga balota ang maga abot Mayo 1 ukon 2.