75 percent sang pwersa ukon masobra sa 1,700 ka personnel sang Negros Occidental PNP ang iga-deploy para sa May 2025 Elections.
Ang mga naga busong kag ang may mga medical condition lamang ang indi ma lakip sa deployment.
Kay tungod nga naka alerto na para sa Piniliay sa Mayo ang tanan nga leaves ang cancelled. Ini suno kay Captain Judesses Catalogo ang spokesperson sang Negros Occidental PNP.
Zero-zero na sa karon ang NOCPPO nga naga kasayuran nga ang tanan nga areas nga naga kinahanglan nga mapun-an sang personnel ang napun-an na.
Gani, wala na sang request nga additional PNP Personnel sa bahin sang NOCPPO.
Tuyo sang NOCPPO mag deploy sang tig duha ka pulis sa kada presinto.
Plastado naman ang mga Quick Reaction Team nga amo ang maga convoy sa iga transport nga mga election paraphernalia ukon automated counting machines.
Ang mga lugar nga malagyo na kaangay sang kabukiran sa idalom na ini sa deployment sang Philippine Army suno kay Catalogo.
Pero ginsiling man ni Catalogo nga ang ila deployment maga depende sa color ukon sa pag categorize sa isa ka lugar gani sarang nga may pag bag-o.
Ang banwa sang Candoni ang damlag pa gin-recommend sa orange category bangud sang gina siling nga armed threat, pero sa gihapon pending pa ang approval sini.