Shadow

Linibo nga nagub-an sang balay tuga sang bagyo nagalaum makabaton sang ayuda

Naguba ang balay ni Jonie Daulong sang matumbahan sang puno sang doldol sang magwaswas ang Bagyo Odette sa Barangay Estefania sa Bacolod.

Siya upod sa iya asawa kag duha ka mga kabataan ang temporaryo nga naga istar sa balay sang iya utod.

Nagalaum siya nga kuntani makabaton man sang ayuda agud bisan paano mapakaayo niya ang iya balay.

Ang balay ni Daulong ang kabahin sa masobra tres mil sais shientos ka mga puluy an sa Bacolod nga partially damaged sandig man sa record sang DRRMO.

May sais mil sais shientos pa ang partially damaged. Plano ni Mayor Evelio Leonardia nga magdeklarar sang state of calamity agud man mabuligan ang mga nagub-an sang balay kag iban pa nga nahalitan sang bagyo.

Ginalauman sang alkalde nga ini ang gilayon nga mapasar sang katapo sang Sangguniang Panlungsod.

May malapit man sa sinko mil ka mga indibidwal ang gin evacuate sa Bacolod tuga sang Bagyo Odette sang nagligad nga Huwebes.

Secured By miniOrangeSecured By miniOrange