Patay ang 24-anyos nga lineman matapos makuryente samtang naga-obra sa ibabaw sang poste agud mabalik ang kuryente sa Barangay Balintawak, Escalante City sang Sabado.
Ang biktima nga si alyas “Orly” ang residente sang Victorias City.
Base sa imbestigasyon, ginatinguhaan ni Orly nga ibalik ang power line sa poste sang NONECO agud ma-energize ang transformer apang natandog niya ang live wire halin sa secondary line, rason nga siya ang nakuryente.
Naglawig sang masobra isa ka oras ang pagpapanaug sang katapo sang rescuers kag NONECO personnel sa biktima halin sa ibabaw sang poste.
Gindala ang lineman sa Vicente Gustilo District Hospital apang siya ang gindeklarar nga dead on arrival.