Ginbawian sang kabuhi ang kandidata sang Barangay E. Lopez para sa Lin-ay sang Silay 2025, matapos makabunggo ang ginasakyan niya nga motorsiklo sa isa ka truck sa Circumferential Road sa Barangay Bata sa Bacolod, Miyerkules nga adlaw.
Base sa traffic report, si Rahsel Tayco, 21 anyos, residente sang Brgy. E Lopez sa Silay, ang sakay sa motorsiklo kag padulong sa sur sang ini ang nakabunggo sa pang-ulihi nga bahin sang truck, nga gin-alegar naga-parking sa sidewalk sa higad sang dalan.
Gindapatan sang first aid si Tayco kag gindala sa Corazon Locsin Montelibano Memorial Regional Hospital apang gin-deklarar nga dead on arrival.