Mga estudyante ang gin tanyagan sang libre nga sakay sa motor banca halin sa isla sang Molocaboc padulong sa Barangay Vito sa Sagay City.
ini ang gin anunsyo ni Punong Barangay Rocky Pasaylo sa iya nga Facebook account.
Sumugod subong nga Enero maka sakay na sang libre kutob sa tanan nga mga estudyante nga maga gikan sa isla sang Molocaboc pakadto sa Barangay Vito sa Sagay City kun sa diin sila naga ekswela kag vice versa.
May mga estudyante sa isla nga adlaw-adlaw nga naga biyahe gikan sa Molocaboc pakdto sa Vito para lang maka eskwela.
Mga 21 kilometros ang kalayuon sang isla sa Vito ukon mga 20-30 minutos nga banca ride.
Sa post sang Punong Barangay iya ginsiling nga ini lang ang iya nga mabulig sa mga estudyante tubtob sa ila nga pag graduate kag gina pangabay niya nga kuntani mangin matutom ang mga ini para maka bulig man sa ila nga mga ginikanan.
Kinahanglan lang sang mga estudyante nga magpakita sang ila nga ID kun magsakay sa RJ Ezekiel kag Lucia Antonia pumpboat.