Outgoing Mayor Evelio Leonardia magapili pa sang mamuno sa transition team sa madasun semana.
Suno kay Bacolod City Administrator Atty. Joseph Edward Cuansing, sa madasun pa nga semana maga-convene ang katapo sang natukod nga transition team para magbalay sang tikang kag magpili sang magapamuno sa ila ukon iga-appoint ni Mayor Evelio Leonardia.
Si Leonardia ang ginlutos ni mayor-elect Albee Benitez sa mayoralty elections.
Si re-elected Congressman Greg Gasataya amo ang ginpili ni Benitez para pamunuan ang interim transition team.
Ginaluaman ni Cuansing nga sa temporaryo nga pagbiya ni Leonardia sa pwesto mapadayon sang masunod nga administration ang maayo nga pagserbisyo sa pumuluyo sang siudad.
Ginapaabot niya man nga mapabilin nga maamligan ang Bacolod City College kag Bacolod City Government Center nga pila lang sa mga ginakabig legasiya sang Leonardia administration.