Arestado kahapon sang kapulisan sa Barangay Salvacion sa banwa sang Murcia ang leader sang isa ka newly identified robbery hold-up group matapos madakpan nga yara sa iya ang isa ka kinawatan nga motorsiklo.
Ang lider nga gindakop amo si Hernani Remada. Gindakop man ang iya upod nga si Gerald Aboc.
Sila ang gin aresto paagi sa follow up operation sang kapulisan tuhoy sa motornapping incident sa siudad sang Talisay sang Disyembre 13
Suno kay Police Lieutenant John Paul Tabujara, hepe sang Murcia PNP, ang grupo nanday Remada ang imbulbado sa mga kaso sang pagpangawat sang motorsiklo.
Na recover sa suspek ang gin kawat nga motorsiklo sa Talisay.
May nakuha man sa ila nga isa ka 45 calibre pistol kag 12 gauge handgun nga loaded sang bala.