Shadow

22 anyos nga bag-o graduate sa engineering, patay sa hit and run nga insidente

Police Station 7 photo

Tatlo ka adlaw na lang tani antes ang paskwa, pero wala na ini maabtan sang 22 anyos nga si Prince Joaquin Relatos.

Si Relatos nga nag graduate sa kolehiyo subong lang nga tuig, ang napatay matapos ma aksidente ang iya ginasakyan nga tricycle kagab-i sa Bangga Mt. Carmel sa Circumferential Road.

Suno kay Police Staff Sargeant Jesar Nepocpan, traffic investigator, paliko na kun tani sa Mt. Carmel ang tricycle nga gina sakyan sang biktima pero hinali na lang sila nga nabungguan sang naga sunod sa ila nga salakyan.

Pag bunggo, nag rekta sa pihak nga lane ang tricycle kag nabungguan naman sang nagadalagan nga truck.

Dead on the spot si Relatos samtang ang tricycle driver nga si Welmar De Asis ang karon ginabulong naman sa ospital.

Temporaryo nga gin hold ang driver sang truck pero ang naka bunggo nga salakyan nga nagpalagyo gilayon ang padayon pa nga ginapangita sang PNP.

Secured By miniOrangeSecured By miniOrange