Patay si alias Cyril, 41 anyos matapos gintiro sang wala makilala nga mga persona sa Sitio Calanugan, Brgy. Minapasuk banwa sang Calatrava, sini nga Martes sang kaagahon.
Sa imbestigasyon sang Calatrava PNP, nagakatulog ang biktima kag ang iya nga live-in partner, sang may tatlo ka mga armado nga mga persona ang nagpadulong sa ila nga balay kag ginahagad ini nga mag-upod sa ila apang nagpamalibad siya.
Ginpwersa sulod sang tatlo ang ila nga balay kag gintiro ang biktima nga nagresulta sa iya kamatayon.
Gilayon nalagyo ang tatlo ka suspek kag nakuha sa lugar sang insidente sang isa ka fired cartridge sang cal. 45, isa ka slug sang cal. 45 kag isa ka cartridge sang shotgun.
Ginhibalo pa sang PNP kun ngaa ginpatay ang biktima kag kun sanday sin-o ang mga armado.