Gin buksan na ang 3rd Panaad sa Negros Festival Governor’s Cup MLBB E-sports Competition 2025 “Battle of the Champions” kaina.
Ining pioneering Panaad sa Negros Festival nga event ang gin organize sang probinsya sang Negros Occidental paagi sa Negros Occidental Language and Information Technology Center.
Sa interview sang media, ginsiling ni Governor Eugenio Jose Lacson nga indi lamang sa traditional sports ang gina tib-ong sang probinsya kundi lakip na ang e-sports.
Pamatuod man ini sang commitment sang Negros Occidental sa gina tawag inclusivity kag innovation.
Ang e-sports indi lamang pastime kundi platform man para sa skills development, strategic thinking kag collaboration.
Magluwas sang kumpetisyon ginsiling man sang gobernador nga labing importante nga tinutuyo amo ang pag empower sang mga estudyante kag mga Negrense nga mag mangin madinalag-on man sa global e-sports arena.
Ang elimination ang gin pakig bahinan sang 36 teams gikan sa 12 ka mga siudad kun sa diin may 216 tanan ka participants.
Best of 3 matches ang ginpatuman para mag pili sang qualifiers para sa championship round bwas, Miyerkules.