Patay ang 30 anyos nga si Mariel Encarquez alyas Kulafu matapos gin tiro sang makapila ka beses sang gina alegar mga katapo sang New Peoples Army kahapon sa Barangay Bandila sa banwa sang Toboso.
Suno sa imbestigador nga si Staff Sargeant Eugene Kangkee, gin sulod sang lima ka mga armado nga persona ang furniture shop kun sa diin naga ubra si encarquez kag siya ang gin pahapa upod sang apat niya ka mga upod sa trabaho.
Gin pangita sang mga armado kun sin-o si Alyas Kulafu, kag sang gin tudlo sang isa sa ila si encarquez didto na siya gintiro sang mga suspek.
Nag pakilala pa suno sa pulis ang mga armado nga sila ang katapo sang NPA.
Dugang pa ni Kangkee, masami naga maoy si Encarquez kun mahubog ini sa ila barangay gani isa ini sa ila gina tan-aw rason kun ngaa gin patay siya sang mga armado.