Wala na matabangan pa ang isa ka persona matapos ini ang gintiro sang iya nga kahampang sa belasyunan sa 1st St., Purok Paglaum, Brgy. Haguimit, La Carlota City, Domingo sang kaagahon.
Ginkilala ang biktima sa kay Morito Agustinis, Jr., legal ang edad, kag residente sang Purok Paraiso samtang ang suspek ginkilala sa kay Jay R Aduana, nagapuyo sa Purok Haguimit sa nasambit nga barangay kag siudad.
Suno La Carlota PNP, nagahampang sanday Aduana kag Agustinis, Jr., sang tongits, sang may nag luntad nga komosyon sa tunga sang duha.
Gina siling nga nag gabot sang pusil ang suspek kag gilayon nga gintiro ang biktima sa ulo, ginhingagaw dala sa ospital apang gindeklarar nga dead on arrival ang biktima.
Sa karon at large ang suspek kag ginahulat pa ang desisyon sang pamilya kun ini ang magapasaka sang kaso batuk sa kay Aduana.