Bangkay nga nasapwan sa suba sa Sagay City ang nakilal-an na.
Ginkilala kay Ellesio Paderna, 69-anyos sang Purok Malipayon, Brgy. Dian-ay siudad sang Escalante ang bangkay nga nasapwan sa suba Sagay City kahapon.
Ang biktima suno sa kay Police Lieutenant Hanna Banquil ang Deputy Chief of Police (DCOP) sang Sagay City PNP, nagapuyo sa iya nga utod sa Sagay bangud separada sa asawa. Gina alegar man nga may deprensya siya sa pamensaron.
Nakita si Paderna sang mga residente nga nagpadulong sa suba apang nasapwan na lamang ini nga patay na.
Nagapati ang PNP nga posible aksidente nga nahulog sa suba ang biktima kag nalumos.