Pinaagi sa tattoo sang ngalan sang iya live-in partner sang una nakilala ang patay nga nasapwan sa Purok Villa Lucasan sa Barangay Mandalagan sa Bacolod Miyerkules sang kaagahon.
Siya si Jose June Codico sang Purok Pine Tree sang Barangay Bata sa Bacolod.
Suno sa kay Police Col. Joeresty Coronica, Bacolod City Police Office Director, base sa record natukiban nila nga kadamo sang kaso nga ginapangatubang ang biktima.
May 2 counts of murder sa La Carlota City, frustrated murder, kaso angut sa iligal nga droga kag theft sa Bacolod kag frustrated murder sa Bago City.
Suno sa PNP bangud sini ginalantaw nila nga posible iligal nga droga ukon pagtimalos ang motibo sa pagpatay sa iya.
May apat siya tanan ka mga gunshot wounds sa ulo.
Napalibutan sang duct tape ang iya nga mga mata sang masapwan mga las sais sang aga sang kahapon.
Padayon ang imbestigasyon ang PNP para makilala ang sa likod sang pagpatay sa iya.