Shadow

Lalaki nga nasapwan patay ginapatihan may diperensya sa pamensaron

Yara na sa state of decomposition ang bangkay sang wala pa makilal-an nga lalaki nga nasapwan sang mga trabahador sang isa ka compound sa Barangay Pahanocoy sa Bacolod kaina sang aga.

Naga hublas ang bangkay nga nakit-an sa malapit nga pika-pika.

Nagapati si Police Major Joery Puerto nga mahimu nalumos ang amo nga lalaki nga ginapatihan may diperensya sa pamensaron.

Nag-gwa sa pagpang-usisa sang kapulisan nga sang Domingo sang nakit-an sang mga trabahador sang compound ang amo nga persona sa isa ka kamalig kag sang ila ginpalapitan, gulpi lang ini nagdalagan pa baybay.

May kataason nga 5’5 ang lalaki, kulong ang buhok kag ginabulubanta naga edad sa masobra 30 anyos.

Nagapanawagan karon ang katapo sang Police Station 8 sa posible himata kag abyan nga nakakilala sa iya nga magpakig-angut sa ila agud makuha ang bangkay sa punenarya.

Leave a Reply

Your email address will not be published. Required fields are marked *

Secured By miniOrangeSecured By miniOrange