Patay ang 34 anyos nga si Raizel Jun Batiño matapos ini tiruhon sang iya nakaaway sa Barangay Bulata banwa sang Cauayan sang Lunes.
Sandig sa imbestigasyon sang Cauayan PNP, gikan sa plaza sang barangay ang biktima kag mapuli na kun tani ugaling na balabagan sang mga motor ang iya tricycle.
Suno sa pulis ginsipa sang biktima ang mga motor nga naga balabag gani gin kumpronta siya sang mga tag iya sang motor.
Gin sumbag ni Batiño ang isa sa mga tag iya sang motor kag nag balos naman ang suspek nga may dala nga armas. Iya gin tiro si Batiño nga nag resulta sa iya kamatayon.
Ang barangay tanod nga ma responde lang kun tani ang pilason man matapos tiruhon sa tiil sang suspek.
Padayon ang pag pangita sang PNP sa suspek pati na sang iya nga mga upod.