Sa CCTV video makita ang ini nga lalaki nga may itom nga bandana nga nabugkos sa iya nga ulo.
Nagpanilag siya anay kun may tawo.
Sang naka kita sang oportunidad ginkuha niya ang na display nga Community Health Nursing ukon CHN bag sa Medcare nga medical supplies store sa may Hilado Street sa Shopping area sa Bacolod.
Ang CHN bag ang naga unod sang syringes, needles, gloves, gauze, scissors, forceps, thermometer kag mga bulong nga masami gina kinahanglan sang nurses sa mga home visit.
Naglingi lingi pa siya makadali kag nagwa man gilayon.
Wala na siya sang iban pa nga ginkuha sa store.