Patay si Ronald Suating matapos stiruhon sang riding in tandem kahapon sang hapon sa Barangay Mambulac sa siudad sang Silay.
Suno sa punong barangay nga si Hazel Cordero ginpahibalo na lang siya nga may shooting incident nga natabo sa Freedom Boulevard.
Naga pamahaw lang sa gwa sang balay sang iya kahagugma si Suating sang siya ang gin pondohan sang duha ka persona nga sakay sa motor.
Hinali na lang siya gintiro sang backrider sa ulo kag sa iban pa nga bahin sang iya lawas antes nagpalagyo.
Sang nag ligad nga tuig naka gwa gikan sa New Bilibid Prison ang biktima.
Dugang pa sang punong barangay, naga baligya sang prutas ang biktima sa ila nga lugar.
Ginahibalo pa sang PNP kun ano ang motibo sa pag patay kay Suating nga sadto na priso sa kaso may kaangtanan sa iligal nga droga.
Yara sadto sa drugs watchlist suno sa PNP si Suating kag siya ang gina alegar kaalyado man sang isa ka suspected drug lord sa siudad.