Ginsaka sang katapo sang Bureau of Fire Protection Special Rescue Force ang manug-scrap nga inoras nga yara sa ibabaw sang duha ka mga poste sa kilid sang Circumferential Road kaina sang aga.
Gin kinahanglan pa nga mag-gamit sang boom truck agud pwersa nga mapapanaug ang 28 anyos nga may diperensya sa pamensaron.
Sa bulig sang PNP, DRRMO kag iban pa nga emergency responder natigayon siya nga na-rescue.
Ginpahayag ni Rodolfo Jamora, team leader DRRMO rescue unit, makaduha na nila ini ka beses nga gin-rescue ang 28 anyos nga sadto nagsaka man sa flyover sa Barangay Singcang-Airport.
Ginsiling sang himata sang pasyente nga masami siya nga nagakalipasan sa pagkaon samtang nagapangita sang scrap resulta nga wala ini sa maayo nga pamensaron.