Gintiro kag napatay ang anay priso sa Purok Sigay, Barangay Singcang-Airport sa Bacolod City, mga las 9 sang gab-i, Domingo, Mayo 3.
Naigo sang bala sa dughan ang biktima nga si alyas “Berto”, 56-anyos, rason sang iya kamatayon.
Ginsiling ni Police Capt. Sherwin Galupar, hepe sang Station 8, nakapalagyo ang suspek apang paagi sa mga saksi, nakilal-an nga siya mismo ang nagtiro sa biktima.
Daan nga inaway ang ginalantaw nga motibo sa krimen.
Ang biktima, naka-agi na priso kag sang August 2025 lamang nakagwa sa prisohan.
“Ang aton nga suspect at large pa asta subong, sige pa ang aton manhunt sa iya. Kay bisan ang iya nga asawa indi makatudlo sang iya sini nga lokasyon. So far na-establish naman ang tanan nga siya ang nagtiro, may mga witness man kita, so kung indi siya magsungka, pasakaan na lang naton siya sang kaso nga murder”, suno kay Galupar.*
[sibwp_form id=1]