Gina paabot subong nga semana ma finalize sang Commission on Elections ang resulta sang ika duha nga Election Registration Board Hearing kag mahibaluan kun pila ang opisyal nga nagdugang sa kadamuon sang na rehistro nga botante sa Negros Island Region.
Sa Mayo 18 na maga takop ang Voter’s Registration para sa Barangay kag SK Elections.
Sa datus sang COMELEC NIR, as of May 2, 2026, may 206,042 ka mga applications for voter’s registration sila nga na process.
Sini pa nga semana gina paabot, matapos nga ma consolidate ang datus kun pila na ang opisyal nga nagdugang sa mga botante sa NIR.
Ang Negros Occidental ang may pinaka madamo nga nag parehistro sa NIR – 141,714.
Ang Negros Oriental naman may yara sang 60,487 ka mga nag apply for voter’s registration kag ang Siquijor – 3,841.
Padayon ang paghaylo sang COMELEC sa mga wala pa sa gihapon maka pa rehistro nga mag padulong na sa mga talapan ukon sa mga lugar nga nakasaad sa schedule.
Sa kinaandan, gina paabot ang pag dagsa sa mga maga parehistro sa ulihi nga mga inadlaw palapit sa deadline.
Sa November 2 natalana ang BSKE.*
[sibwp_form id=1]