Shadow

Lalaki nga may kaso nga rape gin alegar nga gin-abduct

Bago PNP photo

Padayon pa karon ang imbestigasyon sang Bago PNP angut sa gina alegar pag abduct sa isa ka lalaki sang kahapon sa Barangay Abuanan sa Bago City.

Sa imbestigasyon sang PNP, sakay sa iya nga motor ang biktima nga si Johnson Garfil sang siya ang gin pauntat sang duha ka motorsiklo nga naga sunod sa iya.

Pagkatapos sini gilayon na lang suno sa pulis nga gin pasulod sa puti nga AUV ang biktima.

Suno kay Lt Col Joem Malong, wala pa mahibaluan kun diin padulong kahapon si Garfil pero natalana kun tani ini mag tambong sa iya hearing sa La Carlota angut sa iya nga rape case subong nga adlaw.

Ginahibalo man sang PNP kun bala may kaangtanan sa iya nga rape case ang pag abduct sa iya.

Wala man abi suno kay malong sa kaaway si Garfil base sa pahayag sang iya pamilya gani wala pa nila mahibaluan kun sin-o ang may kahimuan sini.

Secured By miniOrangeSecured By miniOrange