Shadow

28 nangin reactive sa antigen test sa mass testing sa HOJ

28 sa masobra 200 ka mga nagpaidalom sa mass testing nga ginpatigayon sa Hall of Justice sa Bacolod sang Miyerkules sang aga, ang nangin reactive sa antigen test.

Ini base sa pahayag nga gin-release sang talatapan ni Executive Judge Raymond Joseph Javier, Miyerkules sang hapon.

Suno kay Judge Javier ginpaidalom na sa quarantine base sa protocol ang mga natungdan. Ginpatigayon na ang contact tracing.

Dugang pa niya, naka schedule naman ang building-wide disinfection sa HOJ.

Ang mass testing nga ginsakdag kaupod ang lokal nga panguluhan sang Bacolod ang may kaangtanan sa mando sang Korte Suprema nga dapat ang mga empleyado sini ang napaidalom sa ayhan antigen ukon RT PCR testing antes Enero 31.

Suno sa executive judge, tinutuyo sang mass testing nga mapasiguro ang isa ka Covid free workplace sa tion nga magbukas balik ang HOJ sa Pebrero 2. May mga 200 sila ka empleyado suno sa iya kag mga 100 naman ang mga contractual. Voluntary naman sa bahin sang mga empleyado sang Department of Justice ang pag paidalom sa testing.

Secured By miniOrangeSecured By miniOrange