Sa namatyan nagikan ang 45 anyos nga si Boylin Dela Torre, pero pila lang ka oras ang nag ligad, siya naman amo ang sunod nga napatay.
Napatay si Dela Torre matapos nga gin buno buno sang iya man upod papauli nga si Bobby Casimero sa Barangay Recreo, Pontevedra.
Suno kay Lt Rowell Peniero, deputy chief sang Pontevedra PNP, pareho nga nakainom gikan sa namatayan ang duha kag nagpauli sakay sa tricycle nga ginadala ni Casimero.
Nag untat si Casimero suno sa pulis para mag pangihi apang ginkuha man suno sa iya sang biktima ang tricycle kag hana kun tani i bilin si Casimero. Ini ang nag tulod kay Casimero nga bun-on sang makapila ka beses si Dela Torre.
Nasapwan na lang nga patay sa dalan si Dela Torre nga may 20 tanan ka stab wounds.
Dugang pa ni Peniero, posible may kaakig ang suspek sa biktima kag subong lang naka tiyempo nga mag balos.
Suno sa pulis, gina alegar abi nga gin patay ni Dela Torre ang utod sang suspek sang tuig 1997. Kaso nga murder ang ipasaka sang PNP batuk sa iya.