Patay na sang masapwan kahapon ang 24 anyos nga lalaki sa gin patigayon nga search and rescue operation sa baybayon sa Dauin, Negros Oriental.
Sa imbestigasyon sang PNP, domingo sang mag paligo sa baybay ang biktima nga may diperensya sa pamensaron upod ang iya mga himata.
Suno sa PNP wala sang may nakatalupangod sa biktima nga nag paligo siya sa baybay kag pensar anay sang iya mga himata nga ini ang nag pauli na.
Gani ila gin balikan kag gin pangita sa baybay pagkasunod nga adlaw kag didto na na recover kahapon ang biktima nga isa na ka bangkay.
Samtang, patay man sang domingo ang 24 anyos nga si Lendron Baldomar sang malumos sa Mabinay Spring Lake sa Mabinay, Negros Oriental.
Sa imbestigasyon sang pnp, si banjao ang nag bulig lang sa iya upod nga nag pangayo sang bulig nga gin biring samtang naga paligo sa lake.
Sang ma rescue na ang iya upod sa bulig man sang life guards kag iban pa nila nga upod, ulihi na natalupangdan sang mga nag rescue nga nadula kag nalumos man si Banjao. Gindala ini sa ospital apang gindeklarar na nga dead on arrival.