Pag acquit sa iya kaso nga rape ang gina tan-aw sang pulis nga kabangdanan sa pagpatay sa isa ka mangunguma sa Himamaylan City.
Gin kumpirma sang Himamaylan PNP nga ang gin patay nga mangunguma sang Lunes sa siyudad nga si Ricardo Ewayan amo man ang suspek sa pag rape kag pag patay sa kay Shiela Mae Condes sa Barangay Estefania sa Bacolod city sang tuig 2015.
Nobyembre sang nag ligad tuig gin acquit si Ewayan sang korte.
Sang Lunes, siya ang gin luthang samtang naga karga sang iya gin ani nga humay sa Barangay 2 sa Himamaylan.
Suno kay Captain Romulo Gepilango, deputy chief sang Himamaylan PNP, nga isa sa ila gina tan-aw karon nga motibo sa pag patay kay Ewayan amo ang iya nga rape case kag kun sa diin siya ang gin acquit na.
Padayon karon ang ila nga imbestigasyon agud makilal-an ang persona nga nag patay sa iya.