Lalaki nga isa sa mga ginatudlo may kahilabtanan sa pagpanghold-up kag pagpatay sa negosyante ang patay sang gintiro sa Barangay Villamonte sa Bacolod.
Patay sang gintiro sang isa sa apat ka mga lalaki ang biktima nga si Restimer Senoro sa iya gina rentahan nga balay sa Purok Hervias 3 sa Barangay Villamonte, Martes sang hapon.
Si Senoro ang naga pungko sa berha sang gintiro sang gunman nga naka bonnet.
May tatlo pa ka mga kaupdanan ang suspek nga naka bonnet man kag nagasuksok sang helmet.
Suno kay Police Captain Peter John Ramos, ila pa ginapat-ud kun anay intel officer sang PDEA si Senoro kag kun isa siya sa mga responsable sa pagpanghold-up sadto sa mag-asawa nga negosyante sa Barangay Concepcion sa siudad sang Talisay.
Napatay sadto ang negosyante nga si Ildefonso Medalla sang gintiro sang mga suspek nga nangawat sa ila karenderia sang Oktubre 2 sang nagligad nga tuig.
Pilason nga nakaluwas ang iya nga misis sang natiruhan man sang nakapalagyo nga mga suspetsado.