Bisan pa nga gin pauntat sang Commission on Elections ang proceedings may kaangtanan sa People’s Initiative para sa Charter Change, maga padayon ang kampanya ni Bacolod Lawyer Cesar Beloria batuk sa iya gina tawag nga fake people’s initiative.
Sang Lunes nag untat ang Comelec sa probinsya sa pagbaton sang signature sheets angut sa People’s Initiative, kasunod man sang mando gikan sa Comele en banc nga naga suspend sang tanan kag ano man na proceedings para sa People’s Initiative.
Suno kay Beloria, sa sini nga weekend may naka schdule gani siya nga dayalogo sa Kabankalan angut sa iya nga pagpamatuk sa peke nga People’s Initiative.
Wala pa man sang may nagsiling nga maga untat nga ang people’s initiative, gani suno kay Beloria ang iya nga tikang kabahin man sa pagpanghanda en kaso nga magapadayon sa gihapon ang people’s initiative.
Sa karon wala pa sya sang may nakuha nga mga lagda sa yadtong luyag mag withdraw sang ila nga pirma bangud may kabudlayan man sa pag identify kag pagpangita sa ila, pero ang klaro suno sa iya amo nga may mga irregularity nga makit-an sa pamaagi.
“In short indi pa gid siya (PI) patay. Suspended lang gid ang people’s initiative. Waay pa kami ka gather return ma tigayog pa kami. May ari kami di sa Bacolod nangisog mga tatlo ka bilog. May iban ara pa sa ila mga form. Form bala nga not from us but from the barangay captain. May mga interviews kami, ugaling indi lang anay pag pa gwa. May kakulba sila. But klaro na na establish natun may ebedensya sang irregularity sa Bacolod”, suno kay Beloria.
Samtang, kun naga gwa man nga may mga local officials nga may kahilabtanan sa people’s initiative, indi na maka comment pa si Governor Eugenio Jose Lacson bahin diri.
Ang sa iya nga lang nga wala sila nakatigayon pungko upod sa mga local chief executives kag gintilakay ang people’s initiative.
Bangud man sang kontrobersiya sa people’s initiative kag daw indi na viable ang charter change paagi sini para kay Lacson, maayo na lang nga iga limit ang pamaagi sa constitutional convention kag constituent assembly.