Isa ka 27 anyos nga lalaki nga gina alegar may deperensya pamensaron ang napatay matapos nga gintiro sa nabukid nga bahin sang Sitio Naasog, Brgy Pinocawan, Tayasan Negros Oriental kahapon sang aga.
Base sa report sang pulis, ang biktima ang hinali na lang nga nagwaras kag nangguba sang mga propiedad lakip na ang isa ka motor.
May gin sulod ini siya nga balay gani napilitan ang tagbalay nga tiruhon siya nga nag resulta sa iya kamatayon.
Ang suspek nagsungka sa Tayasan PNP bitbit ang iya 45 caliber pistol.
Maga depende sa iya pamilya kun pasakaan nila sang kaso ang suspek.