Nakilal-an na sang kapulisan ang lalaki nga gina alegar gin salvage sa Sitio Bagaas, Barangay Tabigue sa E.B. Magalona sang Huwebes sang kaagahon.
Ang pamilya amo ang nag nagkilala sa ginpatay nga si Chris Jun Mendoza nga taga Barangay Mambulac sa Silay.
Suno kay EB Magalona PNP chief, Police Captain Joseth Catonina, may mga impormasyon sila nga nabaton nga ang ginpatay ang isa ka kawatan gani posible suno kay Catonina nga isa ini sa rason kun ngaa siya ang ginpatay.
Si Mendoza ang nasapwan sa kilid sang dalan nga may igu sang bala sa ulo kag sa butkon kag wala na siya matabangan pa sa ospital.
Nag hambal pa suno sa pulis ang pamilya nga antes matabo ang pag paniro, siya ang nag lisensya lang alas 3 sang kaagahon nga mangompra sang prutas nga iya sini masami gina baligya sa Victorias City.
Padayon nga imbestigasran sang PNP kun ano ang kabangdanan sa pag patay kay Mendoza.