May igo pa sang bala ang utod nga ulo ni Mario Demetrio sang nakit-an sa kilid sang dalan sa Hacienda Sagrado 2 sa Barangay zone 16 sa siudad sang Talisay Sabado sang gab i.
Indi mabaton sang iloy nga si Anita Demetrio ang brutal nga pagpatay sa iya 48 anyos nga anak.
Istorya ni Anita, ulihi niya nga nakit an ang anak nga nangayo sang inugbakal sang ice water antes nag angkas sa motorsiklo agud magbaligya sang Ginabitbit nga goma.
Sa pagpang usisa sang kapulisan si Demetrio ang bugaw nga nakaupod sang ginpatay nga commercial sex worker ukon CSW sa Barangay Alijis sang Setyembre 8.
Siling ni Col. Arthur Baybayan, hepe sang Talisay City PNP, nakagapos ang nabaklid nga kamot sang biktima kag may mga lagub ang nga lawas.
Nagapati sila nga ginwigit lang sa lugar ang bangkay sang biktima.
Ginpahayag naman ni Police Captain Elmer Bonilla nga ginapangita nila si Demetrio sang nagligad pa nga semana agud kuntani matagaan sang kasolbaran ang kaso sang ginpatay nga CSW.
Sa karon nag coordinate na ang Police Station 7 sa Talisay City PNP agud mapat ud ang posibilidad nga isa lang ang responsable sa kamatayon ni Demetrio kag sang CSW.