Isa naman ka lalaki ang nasapwan na lang nga patay na kaina sang aga sa dalan Palanca sa BREDCO port sa Bacolod.
Suno kay Capt Paul Vincent Pendon, isa ka residente ang una naka kita las siyete sang aga sang naga hapa nga lalaki sa kilid sang dalan.
Sa pag usisa sang pulis, ang lalaki ang may igu sang buno sa iya likod kag patay na.
Ang biktima ang gin kilala nga si Dennis Aranas.
Dugang pa ni Pendon, taga Pulupandan ang biktima kag ini ang gin pahalin sang iya live in partner sang nag ligad pa nga semana bangud nag inaway sila.
Gina hibalo pa sang PNP kun may kaangtanan ini sa pag patay kay Aranas kag ang iban pa nga posible nga anggulo sa pag patay sa biktima.
Mahimo nga sa iban nga lugar man gin patay si Aranas suno sa pulis kag ginbilin lang sa amo nga lugar.