Nasapwan nga patay kahapon sa iya gina tiniran nga balay ang biktima nga si Bertito Roso sa Sitio Nursery, Barangay Bi-ao sa Binalbagan.
Sa imbestigasyon sang PNP, gin sulong sang mga armado si Roso kag didto gin paarakan luthang nga nag resulta sa iya nga kamatayon.
Ini ang gin report sa Binalbagan PNP nga ila gin respondehan kag nag resulta sang pag ambush sa ila.
Suno kay Major Ellendie Rebusquillo, ila pa gina pat-od kun bala ang NPA gid man ang may kahimuan sa pag patay kay Roso kag kun ini ang ila gin tuyo agud ma patigayon man ang pag ambush sa kapulisan.
Gin ako na sang NPA ang pag ambush sa kapulisan pero wala nila madala sa pahayag kunsila man ang may kahimuan sa pag patay kay Roso.