Shadow

Lalaki nasapwan nga patay sa sulod sang kampo

La Carlota PNP photo

Nasapwan kaina sang aga sa kampo sa Hacienda San Miguel sa Barangay San Miguel sa La Carlota ang bangkay sang 43 anyos nga si Diovanie Bedonia matapos ini gin tiro sang wala pa makilal-an nga mga persona.

Suno kay Police Lieutenant Colonel Jonel Guadalupe, hepe sang La Carlota PNP, gin report kagab-i sang mga pumuluyo sa palibot nga sila ang nakabati sang lupok pero nabudlayan pa kagab-i sa pangita ang kapulisan sang bangkay bangud madulom ang lugar kag subong na lang nga aga ini nakit-an.

Dugang pa ni Guadalupe, may mga nakakita sa palibot nga may mga persona nga naka bantay na nga daan sa dalan gani posible gin bantayan si Bedonia kag didto na gintiro kag gin haboy sa kampo.

Ginahibalo pa sa karon sang PNP ang background sang napatay nga biktima kag ila man gina imbestigaran ang motibo sa pag patay sa iya.

Secured By miniOrangeSecured By miniOrange