Nag lab-ot na sa 136 ang total Covid-19 cases sa kapulisan sa probinsya matapos madugangan sang duha ka bag-o nga kaso sang Covid-19.
Suno kay NOCPPO spokesperson, P/Lt. Abegael Donasco, na assign sa nagkalain lain nga police station sa probinsya ang duha ka pulis nga nag positibo.
Sila ang isolated naman sa karon. 24 ang current active cases sang Covid-19 sang NOCPPO.
Samtang, ang Bacolod City Police Office naman ang may lima na lang ka active cases sang Covid-19 gikan sa 149 ka mga kaso.
144 na ka mga pulis sa Bacolod nga nag positibo sa Covid-19 ang nag ayu.
Sang tinalikdan nga bulan nag lab-ot pa sa malapit isa ka gatus ang kaso sang Covid-19 sa Bacolod pero halos tanan ang nag ayu na.