Balik trabaho na si Negros Occidental Governor Eugenio Jose Lacson sumugod subong nga adlaw.
Suno kay provincial administrator Rayfrando Diaz, maayo na ang kahimtangan ni Governor Lacson kag siya ang nagbalik na para sa iya nga katungdanan bilang gobernador kag ini ang paagi sa work from home arrangement.
May pila na gani ka mga dokumento suno kay Diaz nga iya ipadala sa gobernador.
Samtang, nag positibo man sa virus ang drayber kag close-in security sang gobernador.
Sila sa karon ang naka isolate. Ilakip sa gobernador, 24 ang nag positbo sa Covid-19 sa kapitolyo probinsyal sini gid lamang. Wala naman sang may gin report nga na ospital.
Ini man ang nag duso sang pagpatuman sang lockdown sa kapitolyo probinsyal para sa disinfection kag decontamination.
Napatuman ang work from home arrangement kasubong man ang skeleton force.