Na-rescue sang animal welfare group nga BACH Project PH sining Miyerkules sang hapon ang kuring nga si Moymoy gikan sa Sunrise Village, Brgy. Blumentritt sa Murcia.
Gina patihan nga ini siya ang ginbuno. Suno sa grupo base sa panaysayon sang tag-iya sang kuring, nakibot na lang siya nga pagpauli ni Moymoy nag panago na ini sa idalom sang katre kag may pilas na. Sang gin usisa didto natalupangdan nga nag gwa na ang iya sini nga tina-e.
Na admit na siya subong sa Juan Veterinarian Bacolod nga clinic. Nagapangayo sang bulig ang grupo para sa pagpabulong kay Moymoy.
Sang nagligad lang nga bulan sa Barangay Blumentritt man sa Murcia na- rescue ang ido nga si TikTok matapos nga gin indian target sang lima ka beses.
Ang pag-abuso ukon pag sakit sa sapat ang isa ka paglapas sa idalom sang Animal Welfare Act kag ang mapamatud-an nga naghimo sini mahimo mabilanggo kag mamultahan.