Kun may mabaskog man lamang nga ebedensya, nagakaigo nga hatagan sang konsiderasyon sang senate blue ribbon committee ang pag-usisa sang gina alegar “government sponsored” sugar smuggling.
Sini lamang nag pa gwa sang pahayag si senador Risa Hontiveros nga may shipment sang sugar gikan Thailand nga nag abot isa ka semana antes gin aprobahan sang Sugar Regulatory Administration ang importation sang 440,000 metric tons sang kalamay.
Suno sa senadora, ang Bureau of Customs ang nag flag sang pagsulod sang amo nga imported sugar sang mag abot ang shipment sa Port of Batangas sang Pebrero 9.
Suno kay Hontiveros kay wala man ini malakip sa Sugar Order number 6 masiling nga ini ang smuggled. Pero ini nga alegasyon ang gin himutig na sang pila ka mga opisyales.
Suno kay Governor Lacson ini nga bagay ang balantayan kun matuod. Suno kay Lacson kalabanan nga yara sa industriya mga small planters, kag nagalaum sya nga ang presyo sang kalamay indi na mag sarurot pa bangud labing ma apektuhan ang magagmay nga planters.
Nagalaum ang gobernador nga ang volume kag timing sa pag import sang kalamay indi mag butong sang presyo panaog.