Madayon ang dakpanay sang colorum tricycles sa Bacolod kag wala sang ayuanay.
Ang issuance na lamang sang mga ID ang ginahulat ni Councilor Al Victor Espino antes pa man suguran ang strikto nga pagpanakop sang mga colorum nga tricycle sa siudad.
Suno sa Chairperson sang Task Force Kontra Colorum Tricycle indi siya magpa-ayo bangud nagpasalig ang siudad sa mga lehitimo nga tricycle drivers kag operators nga tagaan solusyon ang problema angut sa colorum nga tricycle nga isa sa rason nga apektado karon ang pagbyahe man sang katapo sang mga tricycle operators and drivers association.
Sang Pebrero 20 kuntani ang natalana nga dinakpanay pero ginsiling man sang pamuno sang Committee on Transportation and Traffic sang konseho nga madayon ang ila dakpanay kag indi na kinahanglan pa ang anunsyo.
Sa record sang komitiba, sa malapit 15,000 nga nagabyahe nga tricycle may mga 10,000 diri ang colorum.