Konsehal sa Dumaguete City nga nag tambong pa sa sp session sang nagligad semana, nag positibo sa Covid-19.
Gin pahayag ni Dumaguete City Councilor Chaco Sagarbarria paagi sa Facebook post nga siya ang nag positibo sa Covid-19, ini bisan pa siya ang fully vaccinated naman.
Mild symptoms lang man ang iya sini nga gina batyag suno kay Sagarbarria nga present pa sa SP session sang siudad sang nag ligad nga Miyerkules. Suno sa konsehal pagka sunod nga adlaw siya nga gin hilanat kag gilayon man nag isolate.
Bangud sang iya pag positibo, natalana man nga ipaidalom sa swab test ang iya mga upod sa konseho.
Sa latest data sang Negros Oriental IATF, yara sa 570 ang active cases karon sa probinsya matapos mag record sang 25 new cases kag 32 new recoveries.
Samtang, ang Negros Occidental ang may 56 ka bag-o nga kaso naman kahapon kag 57 naman ang sa Bacolod.
1,222 ang total active cases sa Negros Occidental samtang 1,125 naman sa Bacolod.