Shadow

16 ka persona ang unod sang 3 ka salakyan nga naupod hulog sa narumpag nga taytay

Ginbudlayan sa pagkuha ang mga taga DPWH sa Bago City sang tatlo tanan ka mga salakyan nga naupod sa pag rumpag sang steel bridge sa boundary sang Don George Araneta kag Barangay Balabag sa Pontevedra.

Ang mga residente naga siling parte pa ini sang Barangay Jorge Araneta sa Bago City pero sa pagpadulong sa lugar sa La Carlota City ka maagi kag masulod sa mga kampo.

Mga las kwatro y medya sang kahapon sang hapon igadul-ong kun tani nanday Christopher Trupa ang ila minister nga iga assign sa bag-o tukod nga simbahan sang Iglesia ni Cristo sa Don George Araneta. May gina sundan sila nga tricycle sang magtabok sa taytay. Naga sunod sa iya ang isa ka awto kag isa pa gid ka pick up. Mga kaupod man niya ang sa duha ka mga salakyan. 6 sila tanan ang ara sa crosswind, isa sa awto kag siyam ang sa pick up.

Manug lampuwas na sila sa taytay sang hinali na lang ini nga marumpag.

Si Trupa nag angkon sang mga bagras sa iya nga butkon kag sa likod. Ang iban niya nga mga kaupod ang maswerte na lamang kag minor injuries man ang na angkon.

Ginpang buligan sila sang ila nga mga kaupod sa simbahan sa pag gwa sa ila nga salakyan kag pagbiya sa narumpag nga taytay.

Suno sa mga residente, tag isa lang ka salakyan ang sarang nga maka labay sa taytay. Suno sa kay Ernesto Martinicio 1996 sang ginaptukod ni anay 4th District representative Charlie Cojuangco ang taytay.

Pero suno sa kay Trupa wala man sila galing sang may nakita nga signage nga naga pahibalo nga isa lang ka salakyan ang pwede ka labay kag indi pwede magdungan.

Sa karon ginabilin lang sang mga naga tabok ang ila nga mga tricycle kag motor para maka tabok sa pihak nga parte sang taytay.

Si Mayor Rex Jalandoon naman nagpasalig nga pangitaan sang pondo para liwat mapatukod ang taytay sa sulod sang sini nga tuig.

Leave a Reply

Your email address will not be published. Required fields are marked *

Secured By miniOrangeSecured By miniOrange