![](https://i0.wp.com/digicastnegros.com/wp-content/uploads/2023/10/image-411.png?resize=810%2C456&ssl=1)
Nakalab-ot sa igtalupangod ni Ceneco Acting General Manager Atty. Arnel Lapore ang kaso sang kinawatay kuryente sa Bacolod North Public Cemetery.
Gani magapadala man siya sang inspection team agud mausisa kun may yara pa sang mga linya sang kuryente nga iligal nga naga-alangut sa mga hayob-hayob sa sulod kag bisan sa gwa sang patyo.
Natukiban sang City Legal Office Enforcement team nga may mga illegal structures nga ila napang demolish sa sulod sang patyo nga naga-pangawat sang supply sang kuryente.
Gintuad man sang leader sang enforcement team nga Rey Demisana nga bisan nautod na nila ang linya sang kuryente nga iligal nga naga angut sa poste sa patyo may mga linya gihapon sang kuryente nga makit-an naga angut man sa poste sang Ceneco pakadto sa mga pamalay sa kilid sang patyo.