Gin extend sang siudad sang Himamaylan ang lockdown sa City Hall sini, City Health Office kag mga barangay health center sa pito pa gid ka adlaw.
Ini sa gin pa gwa nga executive order ni Mayor Raymund Tongson.
Padayon ang gina patigayon nga contact tracing.
Nagsugod subong nga adlaw ang ika duha nga pito nga adlaw nga lockdown.
Sa April 19 nga report sang Provincial Incident Management Team, 185 ang positive cases sang Himamaylan.
New government center sang Sipalay City ang ginsira man para sa disinfection subong nga adlaw tubtob sa Abril 21. Suno kay Dionilo Bogtae ang operations officer sang IATF Sipalay in imatapos nga may nag positibo sa COVID-19 nga empleyado sang siudad. Pero ang City Mayor´s Office, City Administration’s Office kag Tourism Office ang closed until further notice.
Wala man anay sang operation ang Disaster Risk Reduction and Management Office sang Sipalay matapos nga apat sa ila nga katapo ang nag positibo sa virus. 56 ang ginswab kag may tatlo pa nga gina paabot nga resulta.
Suno kay Bogtae sa Miyerkules ipaidalom naman liwat ang drrmo sa ika duha nga swabbing. Ang Bureau of Fire Protection anay sa karon ang naga responde sa mga emergency cases. Ang positibo nga kaso sang Sipalay suno kay Bogtae ang gikan sa isa nga nagtambong sa isa ka bulang. 44 karon ang active cases sang Sipalay City.