Sa separado nga mga insidente sang pagpangawat sang telecommunications equipment sa Bacolod City nadakpan ang duha ka mga lalaki sang nagligad nga semana.
Sa impormasyon halin sa Globe Telecom Security Response Unit ukon SRU, isa ka ginkilala kay alias Rodman, 27 anyos ang nadakpan sadtong Setyembre 23.
Ang ginhugpong nga pwesra sang Globe SRU, FTAP, Philtower kag PNP ang nakadakop sa suspek sa Barangay Handumanan.
Isa naman ka ginkilala kay alias Ding ang nakapalagyo sa amo nga operation.
Sadtong Setyembre 20 naman, nadakpan sang mga security personnel sang Globe si alias Leonard, 32 anyos sa may Barangay Villamonte. Mga kable ang nakuha sa iya.
Ginahikot na sang Globe ang pagpasaka sang kaso batuk sa duha ka mga suspek.
[sibwp_form id=1]