Office of the Ombudsman ang nag-dismiss sang kaso kriminal nga ginpasaka sadto kay Bacolod Mayor Evelio Leonardia kag duha ka anay empleyado sang siudad.
Base sa desisyon sang Ombudsman, wala ini sang may nakita nga malain nga tinutuyo ukon pagpabaya sa bahin ni leonardia kag sang duha ka mga respondents angut sa ginbakal nga gasolina sang siudad sang tuig 2007.
Ang kaso nga malversation of public funds kag pagsupak sa Anti-Graft and Corrupt Practices Act ang ginpasaka nanday Armando Collado kag Christopher Villeta sang tuig 2016.
Ila gin alegar nga may yara sang paglapas sa kasuguan ang pagbakal sang amo nga mga gasolina pero base sa desisyon sang ombudsam wala ini sang may nakita nga iregularidad.
Ginakabig sang alkalde nga malisyoso ang pagpasaka sang amo nga mga kaso batuk sa ila kag ang mga tagreklamo ang kaalyado ang ila mga kontra sa pulitika.