Patay ang incumbent barangay captain sang Bagacay sa banwa sang Dauin sa Negros Oriental matapos sudlon sang mga armado mismo sa sulod sang barangay hall kaina sang aga.
Ang biktima amo si Punong Barangay Stephen Bandoquillo Alam.
Sa imbestigasyon sang Dauin PNP, gilayon lang nga gin sulod sang tatlo ka wala pa makilal-an nga persona si Alam sa barangay hall kag gintiro sang makapila ka beses sa ulo.
Gilayon man nag palagyo ang mga suspek sakay sa pick-up.
Padayon ang imbestigasyon sang PNP angut sa pag paniro.